صفر المونديال
شعر:خميس نصر
مين اللي جابك يا صفر المونديال ما تقول؟
ليه قفلوا بابك ولم يتحاسب المسئول؟
هل ده مجرد صدف ولاّ الفساد مسئول؟
وهل دا عيب شعبنا؟ ولاّ غباء مسئول؟
فقال بكل الأسف كل اللي قلته صحيح
فاسد لمالك لهف وحية ليها فحيح
وهمبكة وبمبكة وعرر تقول وتصيح
ونظام ما بين الأمم تافه وشكله قبيح
وكدب مع مهيصة وجعجعة بدون طحن
وشباب مغيّب خرع وبتوع روش أو طحن
وناس بتقرا الودع وكوسة مالية الصحن
ووزير بشلة اجتمع وبشيبته نازل عجن
ودبلوماسي وماله شكل أو منظر
ومسئولين في البلد لصوص شيوخ منسر
وأمن بالبلطجة عامل عليك عنتر
يضرب ولاد البلد ويهين ويستهتر
دا الصفر ليهم كتير دول ياخدوا بالسالب
خلّوا الحرامي الأمير والمجرم الغالب
والعقل منهم يطير دول حية وعقارب
ديل كلب ما ينعدل لو ربطوا بيه قالب
شعر:خميس نصر
مين اللي جابك يا صفر المونديال ما تقول؟
ليه قفلوا بابك ولم يتحاسب المسئول؟
هل ده مجرد صدف ولاّ الفساد مسئول؟
وهل دا عيب شعبنا؟ ولاّ غباء مسئول؟
فقال بكل الأسف كل اللي قلته صحيح
فاسد لمالك لهف وحية ليها فحيح
وهمبكة وبمبكة وعرر تقول وتصيح
ونظام ما بين الأمم تافه وشكله قبيح
وكدب مع مهيصة وجعجعة بدون طحن
وشباب مغيّب خرع وبتوع روش أو طحن
وناس بتقرا الودع وكوسة مالية الصحن
ووزير بشلة اجتمع وبشيبته نازل عجن
ودبلوماسي وماله شكل أو منظر
ومسئولين في البلد لصوص شيوخ منسر
وأمن بالبلطجة عامل عليك عنتر
يضرب ولاد البلد ويهين ويستهتر
دا الصفر ليهم كتير دول ياخدوا بالسالب
خلّوا الحرامي الأمير والمجرم الغالب
والعقل منهم يطير دول حية وعقارب
ديل كلب ما ينعدل لو ربطوا بيه قالب
