سيد الكل _ صلى الله عليه وسلم شعر:خميس نصر

سيد الكل _ صلى الله عليه وسلم

شعر:خميس نصر
منايا اتملّى من نورك
واطهرّ قلبي في حضورك
والملم حالي وأزورك
يا سيد الكل يا حبيبي
واحشني كتير وموش قادر
وصبري كبير مالوش آخر
يا طيب يا عبير يا نور ظاهر
يا روح القلب يا حبيبي
وإنت النور لعين الكون
طلقت سراحه كان مسجون
تردّ كرامة المغبون
نصرت الحقّ يا حبيبي
نبينا يا حبيب الروح
مداوي علة المجروح
وحاقن دمّنا المسفوح
وباكتب لك مكاتيبي
يا نور بدّد ظلام دامس
على قلب العلل دايس
وشرعك بالبشر حاسس
يا سيد الكل يا حبيبي
أنا نفسي أبوس رجليك
وامتّع نفسي بين أياديك
واصب الميّة وأوضيك
وترضى عنّي يا حبيبي
منى قلبي أكون خدام
واهدّ عبادة الأصنام
وكل الكون يعيش في سلام
وترضى عنّي يا حبيبي
يا سيدي أستأذنك في دخول
حرم مدحك واكون مقبول
ورافع همّتي عل طول
تعالج قلبي يا طبيبي
يا ودّ ومرحمة وسرور
تخلّي المؤمنين في حبور
وإيدك تجبر المكسور
يا سيد الكل يا حبيبي
يا روح دبّت في كل الكون
بتحيي ضميره كان مدفون
وتتحدّى جنود فرعون
يا سيد الكل يا حبيبي
يابسمة في وجنة الأيام
يا نسمة طيبة في أحلام
يا قسمة أمة الإسلام
يا سيد الكل يا حبيبي
يا إيد ممدودة بالإحسان
بتمسح دمعة الإحزان
تتطّهر فطرة الإنسان
يا سيد الكل يا حبيبي
أنا قلبي في هواك دايب
ما فيش لحظة تكون غايب
يا رب يكون لنا نايب
في ساعة قرب يا حبيبي
يا شمس وساطعة في ربوعي
بشهدك ينتحر جوعي
ده معيار عزّتي خضوعي
لقولة حقّ يا حبيبي
يا ملهم ريشة الفنّان
يا حبّ يحرّك الوجدان
يا مصحف يتقرى وأدان
يا سيد الكل يا حبيبي
أنا الوارث لميراثك
أنا مشواري نبراسك
أنا أفكاري من راسك
يا سيد الكل يا حبيبي

إدارجية شعر:خميس نصر

إدارجية

أنا ملّيت سماع صوت الإدارجية
غراب البين وبيغني لشمحطية
وبيدغدغ غرايزنا بسخرية
ويحني الراس عشان هلاّس
لحقي داس وبيغني له أغنية
يحوم حواليه
يبوس في إيديه
يقول له يا بيه
أشيلك جوة في عينيا
ووطنه تعيس
وهوة خسيس
تقول إبليس
ويتصرف بأنانية
ما عنده ضمير
مالوش في الخير
ما يعرف غير
يدور ويّا الطمعجية
في كل زقاق
متين مشتاق
من الأشلاء
يجوك ويعكّروا المية

لأجل عين أمتي شعر:خميس نصر

لأجل عين أمتي

لأنني عشقتها
سخيةً كريمة
لأنني أحبها
تقيةً عظيمة
لأنني أريدها
قويةً زعيمة
لذا فإني هاهنا
أقاوم الجريمة
لأجل عين أمنا
نقاوم الطغاة
لأجل عزّ ديننا
نذكّر العصاة
لأجل مجد أهلنا
نؤدب البغاة
نطهّر الوجوه
من ملامحٍ دميمة
لأجل عين أمتي تقرّ
لأجل قلب أمتي يسرّ
لأجل صورة القمر
نقوّم النفوس
من مخالب النميمة
معاول الهدم التي
تحزّ قلب أمتي
وتستفّز كلمتي
نعالج البلاد
من أمراضها القديمة
نعانق الأخطار والمحن
نصد هجمة الفتن
نكون للبراعم الفنن
نطهر الثياب
من عصابة أثيمة
نسقي الحروف
من زمازم الأمل
نعلي الرؤوس
في ميادين العمل
نجني الكؤوس
حيث جرحنا اندمل
نقدّر الكرام
بالقصائد الحميمة
إن كان وجه أمتي كئيبا
أو كان ظرفها عصيبا
سترتوي جذورها القديمة
وتنبت القلاع والحصون
وتقلع الفجور والمجون
وتكسر الأسوار للسجون
وتعرفون كم نفوسنا عظيمة

يا بعدا منكم 300 برّيه شعر:خميس نصر

يا بعدا منكم 300 برّيه

يا مدغدغين اللقمة مسروقة
ومغمّسين بقلوبنا محروقة
ومعوّرين راسنا اللي محلوقة
طب بس قوا بتعملوا كده ليه؟
متجمّعين علشانها فرقتنا
ومخططين ناويين خراب بيتنا
متبريين منكم في حتتنا
جرابيع بتاخد لفظ باشا وبيه
يا مغميين عينه جمال البدر
متعطّرين ريحة عبير الغدر
لويوم تزولوا تبقى ليلة القدر
يا خلق منكم 300 بريه
كسّرتوا لوحة رسمة الأجداد
وطمستوا لون البسمة م الأولاد
ودهستوا أحلام الشباب أوغاد
ده خبر نهايتكم هنسعد بيه
ليه طوّلت قصتكوا ويّايا؟
من تحت ضفر الحق سلاّية
يارب ورّينا في دول آية
وخبر نهايتهم هنسعد بيه