إدارجية شعر:خميس نصر

إدارجية

أنا ملّيت سماع صوت الإدارجية
غراب البين وبيغني لشمحطية
وبيدغدغ غرايزنا بسخرية
ويحني الراس عشان هلاّس
لحقي داس وبيغني له أغنية
يحوم حواليه
يبوس في إيديه
يقول له يا بيه
أشيلك جوة في عينيا
ووطنه تعيس
وهوة خسيس
تقول إبليس
ويتصرف بأنانية
ما عنده ضمير
مالوش في الخير
ما يعرف غير
يدور ويّا الطمعجية
في كل زقاق
متين مشتاق
من الأشلاء
يجوك ويعكّروا المية