المية حياة الكون
شعر:خميس نصر
ما تيلا نحس شوية
بمصاعب مستنية
أنهار من مية تضيع
بسبب جلدة حنفية
المية حياة الكون
دي خسارة تضيع وتهون
نفسدها بأفعال دون
بالفضلات المرمية
وحاجات فعلا فارساني
على شط النيل واجعاني
بسببها الناس بتعاني
من أمراض مستعصية
إشي فضلات من مصانعنا
أو مبيدات من مزارعنا
فوق قلب النيل ميت طعنة
وباقول بكفاية أذية
وصاحبنا ماسك خرطوم
حوالين دكانه يحوم
بيبعتر طول اليوم
مية تسقي البشرية
جثث الحيوان ترموها
جوة الطهر تزقوها
من واجبكم تحموها
ونحس ببعض شوية
وصاحبنا بيقضي الحاجة
في المية بكل سماجة
والسلوكيات محتاجة
ضبط وترصيص يا عنيه
