يا بعدا منكم 300 برّيه
يا مدغدغين اللقمة مسروقة
ومغمّسين بقلوبنا محروقة
ومعوّرين راسنا اللي محلوقة
طب بس قوا بتعملوا كده ليه؟
متجمّعين علشانها فرقتنا
ومخططين ناويين خراب بيتنا
متبريين منكم في حتتنا
جرابيع بتاخد لفظ باشا وبيه
يا مغميين عينه جمال البدر
متعطّرين ريحة عبير الغدر
لويوم تزولوا تبقى ليلة القدر
يا خلق منكم 300 بريه
كسّرتوا لوحة رسمة الأجداد
وطمستوا لون البسمة م الأولاد
ودهستوا أحلام الشباب أوغاد
ده خبر نهايتكم هنسعد بيه
ليه طوّلت قصتكوا ويّايا؟
من تحت ضفر الحق سلاّية
يارب ورّينا في دول آية
وخبر نهايتهم هنسعد بيه
الخميس، 13 مارس 2008
يا بعدا منكم 300 برّيه شعر:خميس نصر
الاشتراك في:
تعليقات الرسالة (Atom)
ليست هناك تعليقات:
إرسال تعليق