واحد مخبر عاوز يفطر على حسابي
يا يرميني بتهمة إني إرهابي
وبيقول لي تجيب لي فلوس
هتبقى أعز أحبابي
هتبخل أو هتتأخر
ده بيأثر في أعصابي
رح اتوتّر وأتشطّر
وازرّك عند أصحابي
معاكش فلوس هات الساعة وانا عارف
هتدعي عليّ في غيابي
ما يشغلنيش دعا ك يا ظريف
هاقول إن انت إرهابي
ومين فينا هيتصدّق
أكيد موش إنت دا جنابي
أنا محمي برغم الزور
وتصبح برضه إرهابي
الاثنين، 3 سبتمبر 2007
حوال مخبرين شعر/ خميس نصر
الاشتراك في:
تعليقات الرسالة (Atom)
ليست هناك تعليقات:
إرسال تعليق