وادخن ليه؟!!! شعر/ خميس نصر

وادخن ليه؟


وادخن ليه وانا عارف
بإن الشرع حرّمها؟
وادخن ليه وانا شايف
مصير ملايين تعفّرها؟
وادخن ليه وانا جامد
ونفسي ربي حررها؟
وإيه هايجيني م التدخين؟
غير الأمراض وأكل الدين
وهادخل بعدها التكهين
وأهلي تنكوي بنارها
دي أول خطوة للإدمان
تجيب ميت نوع من السرطان
يعيش الأهل في الحرمان
ده غير أمراض يصدّرها
لإبني وأم أولادي
وما استطعمش يوم زادي
واورّث كل أحفادي
بلاوي كتيربينشرها
يجيب الربو والكحة
وصوتك تقتله البحة
يهد الجسم والصحة
تقاوي المر يبدرها
يا صاحبي اللي ابتليت بيها
خاصمها يالاّ وارميها
وجدد نيتك فيها
معاك المولي يسترها