عنتر وعبلة

عنتر وعبلة
شعر:خميس نصر
يا عنتر ليه سايب عبلة
في حضن غراب؟
دي عبلة ماكتش حداية
يابو الأعراب
يا عنتر ليه مفيش غيرة مفيش نخوة؟
سايبها وسط ناس أغراب
يا عنتر ليه على سهوة
شارب قهوة وكاسر ناب؟
صحيح عبلة ماهيش هبلة
لكن ده غراب
خطفها وأنت ليه ساكت؟
وليه كاتت من الأحباب؟
فاكر لما وقفت بسيف
لجيش خطّاب
ساعتها كنت تترافع
بدون أتعاب
وقلت دي سحابة صيف
وجرحك طاب
وجالك يوم تسيب عبلة
بترقص وأنت بالطبلة
على الأعتاب
يا عنتر عبلة تترجّاك
وآهي قاعدة بتستناك
وإيدها تكسّر الأبواب
يا عنتر ليه فرس مجروح؟
وعبلة دمّها مسفوح
ومتصافي مع الأغراب
يا عنتر سهم طيشهم صاب
وبتغنّي الهوى غلاّب
حرام تصبح بطل كدّاب
أكيد شدتكو قصتنا
دي عبلة هيّة أمتنا
وعنتر أهلي والأحباب