المفتري مرعوش وحزين
شعر:خميس نصر
الجبن لملم خلاقاته
والغدر مسموعة آهاته
وحيي وابن سلول باتوا
في رعب من جند ابن رباح
اللي رفع للدنيا أدان
الله أكبر ع الطغيان
وعلى العميل وعلى الغفلان
يا موحدين الفجر آهو لاح
جنكيز بيندب حظه يا ناس
وبيستجير موش لاقي خلاص
لأن بيته ملهش أساس
لا نافعه غادر ولا سفاح
المفتري مرعوش وحزين
والكون بحاله سامع له أنين
والمخلصين وحماة الدين
رافعين لنصر الحق سلاح
يا محبطين آهو جالنا صباح
وآدي الأمل هبت له رياح
تقلع جدور غادر سفاح
تنشر لنا النور والإصلاح
الظلم والزور متحاصرين
والحق والخير متواعدين
بالنصر جاي صلاح الدين
هيخلي كل الكون أفراح
المجرم القاتل مكسور
والظلم بيته صبح مهجور
والحق ماشي يقيد النور
والعتمة بتقرب تنزاح
السجن تتهد اسواره
أبو لؤلؤة خمدت ناره
وبكره رح ينعي شعاره
والمأسورين هيلاقو براح