نقطة نظام للعم سام شعر:خميس نصر

نقطة نظام للعم سام
شعر:خميس نصر
نقطة نظام
يا عم سام
ملينا من
كتر الكلام
عن السلام
مع اللئام
يا هركليز
عامل كويز
لبشر معيز
هوجو شافيز
من غير كويز
ولا بيريز
نال الاحترام
العم سام
أسمر غطيس
أما العرب
بتموت فطيس
والعم سام
أصبح أوبام
الخال ونيس
مهموم تعيس
وبيزرع الشيبسي مكان
عود السريس
والبنت نوسة
سايبة الجاموسة
وعشان تكون
أجمل عروسة
بتجيب كريم
م العم سام
هيخلي وش
البنت أبيض م الحليب
ولابد حتما عن قريب
لو كان زبيب
واجعص جعيص
للعم سام
أصبح غطيس
أيوة الرئيس
باراك أوبام
يا خال خميس
جرّب في مرة
تكتب الشعر الرخيص
حتما تهيص
وتبقى ديل للعم سام
بتقول بكام؟
يا أخينا ماتبطل كلام
العصر ده لابن اللئام
اللي في حماية العم سام
والشعر ما يأكلش عيش
طول ما الكلام
ناتف في ريش العم سام
اكتب عن الكيف والحشيش
وعن بنات الليل
وعن كفار قريش
وبلاش تجيب
سيرة اللئام
اللي في حماية العم سام
اكتب يا بيه
تقبض دولار
بدل الجنيه
وولادنا ياكلو
اللي اسمه إيه
الكاراتيه
وزرعنا يصبح خيار
في الإنتظار
تصدير لدار
العم سام
ونجيب لبان
م الأمريكان
نستورده
لو كان بكام
وبدل ما تلبس أختنا
توب العفاف
هنسبها تقلع ليه نخاف؟
وناكلها حاف
ما دام أشار
العم سام
والعم سام طلق اللجام
لبشر لئام
دبح حمام أرض السلام
آخر كلام للعم سام
رغم الصدام
والإنتقام
مفيش سلام
مع اللئام
والصهيونية
ولاد حرام
تعظيم سلام
لناس كرام
خاضوا الحمام
لاجل الأمل
ويطير حمام
أرض السلام
تعظيم سلام
للشهدا من تحت الركام
والشيخ نزار
وسعيد صيام