موش ولادك
شعر:خميس نصر
موش ولادك يا صبية
يا أم كل الطيبين
دول ولاد شياطين ودية
خلفة الشياطين
يرسموا الأحزان في وشك
يكتبوا في سيناريو غشك
يبدروا الأوطان أنين
حطّوا إيدهم م البداية
بين كفوف أهل الغواية
يقلعوا غيطان الحنين
يزرعوا بساتين جراح
مسجونين جوّة البراح
بالخداع متحنيين
موش ولادك دول ديابة
ينهشوا لحم الغلابة
م الكرامة محرومين
سكرانين في الغي طينة
يخرقوا أمن السفينة
يشربوا في دموع عنينا
آه يا ويلهم م السنين
شعر:خميس نصر
موش ولادك يا صبية
يا أم كل الطيبين
دول ولاد شياطين ودية
خلفة الشياطين
يرسموا الأحزان في وشك
يكتبوا في سيناريو غشك
يبدروا الأوطان أنين
حطّوا إيدهم م البداية
بين كفوف أهل الغواية
يقلعوا غيطان الحنين
يزرعوا بساتين جراح
مسجونين جوّة البراح
بالخداع متحنيين
موش ولادك دول ديابة
ينهشوا لحم الغلابة
م الكرامة محرومين
سكرانين في الغي طينة
يخرقوا أمن السفينة
يشربوا في دموع عنينا
آه يا ويلهم م السنين
ليست هناك تعليقات:
إرسال تعليق