اللي بنى مصر شعر:خميس نصر

اللي بنى مصر

اللي بنى مصر كان في الأصل حلواني
واللي بيبع مصر هو المجرم الجاني
لو حتى جوّة القصر
موش هتسيبه أوطاني
اللي بنى مصر كان فلاح وكان عامل
اللي بنى مصر فنان ماهوش خامل
اللي بنى مصر كان جيش نصر متكامل
اللي بنى مصر كان لضميره بيعامل
اللي بنى مصر كان مؤمن وكان حساس
اللي بنى مصر كان عايش مابين الناس
اللي بنى مصر كان عاقل ماهوش هلاّس
اللي بنى مصر كان في الأصل كله حماس
اللي بنى مصر بيفكّر وبيخطط
ماكانش تافه ولا في دفاترنا بيشخبط
ماكانش هايص وجنبه الشعب متمرمط
ولا كانش كداب وبيسورق ويتسلبط
اللي بنى مصر موش أفراد دا كانوا كتير
قلوبها متشبعة حب الجمال والخير
ومكافحة ومولعة شمع الحضارة كبير
ع الدنيا متربعة بالفكر والتعمير
اللي بنى مصر كان بيهدّ في الإحباط
اللي بنى مصر كان بيفرّق الشربات
اللي بنى مصر كان بيتابع الرسالات
اللي بنى مصر كان قلبه في سبع سماوات
اللي بنى مصر لا كان لص ولاسارق
اللي بنى مصر كان طيب وكان صادق
ولا كان يغش في مون ولا في الفساد غارق
واللي بيبع مصر اللي لقبنا حارق