تتصوروا إن البلد دي بيسرقوها
من قبل ما البشرية تكتب عالحجر؟
تتصورورا إن البلد بيخنقوها
لكنها عايشة بتدبير القدر
تتصوروا إن البلد بيحسبوها
أنفار وسية يلمهم شيخ الغفر
لكنهم نسيوا إن كل الي يشوفوها
بعيون ردية فيها لازم ينقبر
لكنهم لو فكّروا في السوء لقوها
حيطة قوية عمرها ما بتنكسر
لكنهم نسيوا إن رب الكون راعيها
بوصية من سيدنا النبي سيد البشر
وجنودها من خيرة الجنود اللي يهابوها
المجرمين والطامعين روم أو تتر
دي نخلة عالية وعمرهم ما هيطلعوها
وطالع النخل ابنها خال القمر
ده ضلها محجوب عن اللي بيحرقوها
واللي يخون يغضب عليه ورق الشجر
حنت إيديها لاجل كل اللي يصونوها
واللي يحب هيبقى للقلب الوتر
الاثنين، 11 يونيو 2007
تتصوروا شعر/ خميس نصر
الاشتراك في:
تعليقات الرسالة (Atom)
ليست هناك تعليقات:
إرسال تعليق