النادي الأهلي
شعر: خميس نصر
ألا ليه يا عم صالح
النادي الأهلي اللي فالح
رغم طوفان الفشل؟
****
قال لي لازم يبقى ناجح
أصله موش شلة مصالح
عنده ناس زي العسل
*****
إختاروهم دون مجاملة
فيه تساوي في المعاملة
ما في دافع للكسل
*****
جم بمعيار الكفاءة
موش بواسطة أو حداقة
الفريق كله اكتمل
*****
عندهم من ونج لفت لباك يمين
كلهم متفاهمين كلهم متدينين
ولكده هما الأمل
******
اللي أبوه بيشيل في طوب
واللي كان نجار يا دوب
والميزان هوة العمل
*****
موش أبوه كان المدير
ولا كان جده الوزير
سيبك إنت من الدجل
******
وانتخاباتهم نضيفة
اللي جابت ناس شريفة
ما فيهاش رمز الجمل
*******
اللي عاوز بلده تفلح
واللي نفسه أهله تنجح
موش يقول معمول عمل
******
يقضي عالواسطة اللعينة
يكرم الناس الأمينة
يجعل الأهلي مثل
الاثنين، 7 مايو 2007
الاشتراك في:
تعليقات الرسالة (Atom)
ليست هناك تعليقات:
إرسال تعليق