سوق النخاسة

شعر / خميس نصر سوق النخاسة

سوق النخاسة الجديد
ماعادش زي زمان
ما فيهش حبة جواري
وشلة الغلمان
بقى فيه بلاد تتعرض
في ماركت الشيطان
واللي يبيع البلد
بأبخس الأتمان
سوق النخاسة الجديد
ما بقاش بملك الإيد
ده فيه كليبات وموضة
وعولمة وتجديد
سوق النخاسة الجديد
نخاسه إعلامنا
لجورج بوش واليهود
بيوطوا أسعارنا
بيقدمونا عبيد
وبيسرقوا دارنا
سوق النخاسة الجديد
أدواته مختلفة
مع الحرامي البعيد
دولتنا مستلفة
يقعد يتكتك أكيد
ويشوف لنا مخالفة
علشان نعيش الاحتلال
والكل يبقى عبيد