الولاد متكوّمين

الولاد متكّومين
شعر / خميس نصر
أم فاطمة قاعدة بتوضب فطارها
حاطة جبناية وزتون
والعجين معجون في دارها
لسة بتقطع لمون
الصاروخ ولع في دارها
والعدو اللي غدرها
لا رحمها ولا سترها
أصله كان غادر خؤون
كل حاجة اتبعترت
والطباق اتكسّرت
حتى دماتها جرت
غمّضت كل العيون
والولاد متكّومين
بنتها فاطمة وحسين
تحت بيتهم مدفونين
ماتوا خاويين البطون
لما سمعت صوت قذيفة
صاحت الطاهرة العفيفة
هية دي الموتة الشريفة
كله في حبك يهون
كله في حبك يهون