قرار شعر / خميس نصر

قرار
لو القرار كان بإيديا
لكنت أصحى الفجرية
واعمل مفاجأة مدويّة
واشيل وزارتنا العاجزة
واصدر قرار جامد تاني
واصرخ بصوتي الحيّاني
وانصف بلادي في زماني
واجيب إدارتنا الفايزة
إدارة الأهلي الشاطرة
متكاملة في روحها مغامرة
وتبقى أجدعها مبادرة
لحل مشاكلنا وجاهزة
علشان مافيش فيها مجاملة
ونشيطة وماهياش خاملة
ومحايدة ليست متحاملة
لكل الاختيارات جاهزة