مواطن منداس
خميس نصر
أرقـــــــــــام غريب بنسمعها عن مليارات عمالة تـــــــــــرف
على نــــــاس بعينها بتجمعها من البنوك والخـــــــــــــلق تهف
وأنا لسة باشخط في الواد نور وأقول بلاش في المش تحــــــف
ما عادش فــــــيه أي مساحة ناس في السما وكتير في الأرض
عشرين نفــــر ماسكة العملة وبــــــــاقي البشر عايش في البرد
واخدين مناصب بالجمــــــلة عايشة الحــــياة بالطول والعرض
موش عاوز أقول أي أسامي اللي هاقوله النــــــــــــاس حافظاه
نظــــــــــام يخطط ويحامي عن شلة فاسدة تدور في رحــــــــاه
ومحصنين كـــــــل حرامي والشعب يصــــــــــــرخ ويقول آه
مــــــا ترحمونا من الكوسة والواسطة والتغرير بالــــــــــــناس
ده فيـــــــــه بطالة وعنوسة وآدي المواطن بقـــــــــــــى منداس
سرى في البلد مليون سوسة تسقي بلدنا مـــــــــــــــــرار الكاس
وآدي النظـــام سكران طينة موش داري باللي بيجرى لـــــــــنا
وودن طـــــــين ودن عجينة لـو جاله حـــــــــــــــــــــد بيذكرنا
عمـــــــــال يغرق في سفينة مـــــــــــــــــن غيرنا بس يحررنا
الأربعاء، 9 مايو 2007
مواطن منداس
الاشتراك في:
تعليقات الرسالة (Atom)
ليست هناك تعليقات:
إرسال تعليق