قيد شمعة شعر / خميس نصر

قيد شمعة شعر/ خميس نصر

على قد ما فيه مشكلة
فيه برضه آلاف الحلول
ولو الحمولة متلتلة
يتقوى ضهرك عالحمول
والأرض لوفيها الجبال
أكيد كمان فيها السهول
لو فيه ظروف متأزمة
أصبر وهية أكيد تزول
ولو السحابة مغيمة
دي علامة على قرب الهطول
ولو الحكاية معتمة
قيد شمعة تلاقيها في أفول
إيه بس هايجيبه النكد
والإكتئاب يا صاحبي قول؟
خلي الكريم ليك السند
حرر حياتك م الخمول
والجرح إنساه وانسند
ودوس على فشلك يزول
إرحم شبابك م الزعل
عمر الزهق مافيه حلول
غير وحطم في الملل
واعرض جرب يبقى طول
نور حياتك بالأمل
هيعمك السيل الهطول