كانت أيام

كانت أيام
شعر/ خميس نصر
أيام ما كنـــــــا صغار كانت حيـــــــاة حلوة
تعريفة بعــــــد انتظار ونغني كـــــــام غنوة
ما كنــــا نعرف شجار كــــان لب أو عجوة
تبيعهم أم إبـــــــراهيم من جنب بـــــــــوابة
وكنـــــــــا نلعب كتير مع إننـــــــــــا غلابة
والأم تحـــيي الضمير ماكانتش كدابـــــــــة
دلوقت نـــــدي الولاد جنيه ما يرضوش بيه
يجيبوا بيبسي وكـمان بوكمون ويلعبوا بــيه
وبقينا فــــــي إنشغال والدخــــــــل لا يكفيه
باكتب لهـــــم أزجال واتعب فــي أعصابي
وأغني كــــــام موال وافتح لهــــــــــم بابي
ويعملوا زلـــــــــزال لويسمعوا عتـــــــابي